347. JESU MWEGA NA MUTUGI

 347. JESU MWEGA NA MUTUGI  

1.

 Jesu mwega na mutugi

 Muigua tha na muhoreri

 Uka tuturanie nawe

 Tugithii gwaku Zayuni.

 

 Chorus:

 Twaguthaitha Ngai utuhe

 Ngoro njororo ta nyama

 Niguo ciugo ciaku theru

 Cionage ha kuhuruka

 

 2.

 Jesu okire atuike njira

 Mutharaba utuike ngathi

 Nayo thakame tigiti

 Ya gututwara matu-ini

 

 3.

 Riria nduriri ikeruta

 Mithiire ya Isiraeli

 Noguo magaciarithanio

 Na ciana cia kirathino

 

 4.

 Ngai erire lbrahimu

 Ndarikia gukurathima

 Nawe aria othe ukarathima

 Na nii ni ngamarathima

 

 5.

 Johana nionire nyamu

 Ikiuma thi-ini wa irima

 Ona Daniel ni onire

 Igithukia ciathi cia Ngai.

 

 6.

 Nyamu iyo yaari ya mbere

 Ikiringwo iringa ria gikuu

 Na riu ningi ni honu

 Mundu uria muugi ni amenye

 

 7.

 Kurathimwo ni aria mari

 Na roho wa gukurana

 Makuranage urathi

 Wa Daniel na kuguuririo

 

 8.

 Tuiria wega umenye njira

 Iria ya guthii kwa Ngai

 Tondu njira ni nyingi ma

 Cia guthii kwa mucukani

 

 9.

 Ngai na Jesu na Roho

 Matuire moragia atiri

 Andu akwa moraga niki

 Moraga ni kwaga umenyo

 

 10.

 Ngai na Jesu na Roho

 Matuire moragia atiri

 Kwi mundu ungihitia njira

 Arege gucaririria

 

 11.

 Ni mukeyonera nama

 Riria Ihinda rigakinya

 Aria metagwo migaru

 Mahutatiire Mwathani.